عائلات يافا مطاحن أخوان دولة من عائلات يافا القديمة منذ العهد العثماني

عبد الغني دولة شاهد على نكبة 1948

الموطن الأصلي: مدينة يافا   تاريخ الميلاد:1941 مكان الإقامة: مدينة نابلس  
عبد الغني دولة شاهد على نكبة 1948
 اعتاد المواطنون على الحصول على الأخبار اليومية من مقهى العجمي في يافا،
 وهناك كانوا يعرفوا أخبار الناس اللي تهجروا من بلادهم،
 سمعنا عن ناس تركوا ممتلكاتهم وأواعيهم، الناس كانوا بس يحملوا الاشي اللي بيقدروا عليه، وعندما كانوا اهلي يسألوا الناس ليش بتهاجروا كانوا يجاوبونا انه الحرب رح توصل لهون لانه اليهود محضرين حالهم ياخدوا البلاد، الناس بلشوا يغادروا يافا، وإحنا هاجرنا كمان بس بوقت متأخر،
 ضلينا لا إنها البلد صارت تقريباً فارغه من السكان، توقعنا انه الأمور رح تتفاقم من اللي شفناه من هجره وتهجير، 
إحنا ما كنا متهيئين للحرب باستثناء بناء بعض الأنفاق وشراء بعض الأسلحة والأغذية، كان اخوي يعرف فنون القتال وبعض الكفاءات العسكرية
كان في تهريب للاسلحه من مصر وسوريا وكانوا الانجليز يعتقلوا أو يعدموا اللي يمسكوا معاه سلاح،
 كان في تعطيل للحياة والروحان والجيان، كانوا الانجليز واليهود يحطوا متاريس بالشوارع وكانوا يوقفوا مسلحين عليها، وأمرار اليهود يفجروا خنادق علشان محدش يطلع، احنا ابل ما يسووا الشيء هادا طلعنا من يافا على اللد،
 طلعنا على اللد وسقطت اللد واحنا هناكا، وبعد ما سقطت اللد قالو اجت نجده اجت نجده للد والا هي النجده هجانا.